صباح الخير ومساء الخير حق كل واحد يهتم في هالموضوع وفي اي وقت يقراه
ابي اسال بعض الاسئله وبعدين بدش بالموضوع.
1_ شنو تعنيلك امك ؟
2_ شنو امك بالنسبه لك؟
3_ وين مكانت امك اليوم وكل يوم ؟
4_ تتعامل مع ابوك مثل ما تتعامل مع امك ؟ وليش اتعامل ابوك ابطريقه وامك ابطريقه ؟
5_ ليش لي ابوك اذا زفك تسكت وتنزل راسك وامك اترد عليها واتخزها جنك تبي تتهاوش وياها وصرخ اب ويها؟
اقدر الحين اجاوب على الاسئله :
1_ امي تعنيلي الحب والاخلاص والتضحيه.
2_ امي بالنسبه لي جنتي وناري.
3_ امي على راسي من فوق.
شفتو الطيبه اب هل الردود تعالوا انشوف الباجي من الاسئله نحكم عدل على الناس الي مثل هذا الشخص...
4_ اعامل ابوي غير عن امي لاني اخاف من ابوي اما امي مسكينه ما تتكلم قلبها ارهيف عادي طاف اطلع ما
اطلع ما اقولها بس ابوي يذبحني اذا ما قتله ابوي عصبي ودايم يزف ويطق غير عن امي.
اشرايكم بالتناقض تبون ابصراحه ناس وايد قعدت وياهم جذي اسلوووبهم والمشكله ما تقدر تتدخل ولا اتقول شي لا
اذا تدخلة را اتكون ملقوف ايقول ((امي مسكينه)) بعدين شيقول عن امه المسكينه ((عادي طاف))
ليش طاف لانها ما تتكلم ولا لانها اتحبك وتبي مصلحتك هذا جزا الاحسان!؟
5_ مينون انت ابوي اذا رديت عليه يحرمني من المصروف ويطقني ويحكرني بلبيت اما امي ازفها تسكت وما تتكلم
وتقعد تبجي بعدين اطلع جنه ماكو شي ((ولي رديت بليل اتكون امزهبتلي العشا)) ركزو على بليل خلو غيرها فوق
شينه والي سواه اتزهبله العشا واهوا ولا همه ليش لانه يبي يستانس ما يبي يريحها.
للاسف اكثر الناس جذي يعاملون امهاتهم نسوا الجنه والنار وفكروا بالدنيا الفانيه الي اخرتها الولد زين ايصلي ويصووم
وراح الحج وسوا فروضه الي عليه بس نسى امه جنته وناره وفوق هذا المسكينه اتسامحه شفتو قلب الام شلون
كبير شلون نظيف وصافي وطاهر بس اخ ويييييييييييييييييييييين الي يحس وييييييييييييييييييييييين الي يفكر
ويقول اخ انا اشسويت فيها نسيت وراي جنه ونار نسيت انها شالتني تسعة اشهر نسيت انها ربتني واتعبت علي
وسهرت اليل عشاني ولما كبرت زوجتني نسيت هذا كله انا اقول الي يقرا الموضوع هذا يفكر ويشوووف اذا كان بار
في امه ولا لأ.
ومع التحيه وسمحولي اذا طولتها عليكم.
